Қарттарды құрметтейік!
Жүргізуші: Құрметті ата-аналар, балабақша ұжымы сіздерді 1-қазан қарттар мерекесімен құттықтаймыз. Мемлекетімізді осыдан 29 жыл бұрын 1990 жылы ізгілікке, үлкенді сыйлауға, құрмет көрсетуге, адамгершілікке 14 желтоқсанда 1-қазан қарттар күні деп есептеуге қаулы шығарылды.
Қарттар дегеніміз- біздің ата-әжелеріміз халқымыздың өткені мен бүгіні. Олар бізге өздерінің ақылдарын айтып, жақсы іске үйретті, өнеге, тәлім-тәрбие берді. Сондықтан біз үлкендерді сыйлауымыз, оларға құрмет көрсетуіміз керек. «Қарттары бар ел - бақытты ел» дей отырып, «Қарттарды құрметтейік» атты ертеңгілігімізді ашық деп жариялаймыз.
Жүргізуші: Құзы терең тең құлашты шалқардай,
Ғасырларда сырлар шертіп айтардай,
Отырады үй төрінде қомданып,
Аман болшы, аман болшы қарттарым.,-дей отырып, бүлдіршіндеріміздің ата-әжелеріне арналған тақпақтарына кезек береміз.
«Аққу» тобының тәрбиеленушілері
1-бала: Әдептілік белгісі - Иіліп сәлем бергені, Алла берген ұл-қызың, Маңдайдағы жұлдызың. Қариясы бар адам, Дариясы бар адам. 2-бала: Шай ішетін қоюлап, Жақсы көрем атамды. Сырмақ сырған оюлап, Жақсы көрем апамды. 3-бала: Ата үлкен кәріміз, Қуат берген дәріміз, Әуелете аялап, Ардақтаймыз бәріміз. 4-бала: Ұл-қызына ерген, Немерең біз әже. Немерелеріңнен өрген, Шөберең біз әже. Жүргізуші: Күн нөсерін төгейік, Жырдан моншақ өрейік, Уа, жамағат ал енді, Әнге кезек берейік . Ән: «Әжемнің шәйі» Жүргізуші: Балалар әже деген қандай болады? Балалар: Жақсы,мейірімді,әдемі. Жургізуші:Ал сендер, әжелеріңді жақсы көресіңдер ме?Сыйлайсындар ма? Әжелеріңмен ойын ойнайсыңдар ма? Олай болса әжелерімізді ойынға шақырайық. Ойын: «Құрақ жасау»  Жүр: Келесі кезекте «Алпамыс» ортаңғы топ балаларының тақпақтарына береміз. 1-бала: Ақыл құйған санама, Күннен де артық расында. Күн алыста, ал әжем, Ылғи менің қасымда. 2-бала: Ақ жаулықты әжемді, Ай нұрына теңедім. Әр ісінен үлгі алып, Еркін өсіп келемін. 3-бала: Әжем өрнек тереді, Сырмақ отыр оюлап. Басы ауыра береді, Шай ішпесе қоюлап. Жүргізуші:Құлақтан кіріп бойды алар, Әсем ән мен тәтті күй. Көңілге түрлі ой салар, Әнді сүйсең менше сүй - дей отырып келесі кезекті әнге береміз. Ән: «Әжем» Жүргізуші: Ата-әже ауылымның асылдары, Жайнасын көңілдердің жасыл бағы. Сіздер үшін ән мен күй,өлең мен би, Сіздер үшін мереке ойындары – дей отырып кезекті ойынға берейік. -Балалар олай болса,ойын ойнаймыз ба? Ойынымыздың аты: «Білек жығыс» 
Жүргізуші:Жарайсыздар балалар,келесі кезекті «Қарлығаш» ортаңғы топ балаларымыздың мерекелік тақпақтарына берейік. 1-бала: Шай қайнатып берейін, Шекер салып жан әжем. Өзім құйып берейін Балдай тәтті бал әжем. 2-бала: Аман болсын басыңыз, Ағармасын шашыңыз. Шөбере сүйіп әлі де, Жүзге жетсін жасыңыз. 3-бала: Әжетай,нұрға толсын жүзіңіз, Қуаныңыз,шаттаныңыз, күліңіз. Тіршіліктің қызығына бөленіп, Аман-есен ортамызда жүріңіз. Жүргізуші: «Бабаларым, рахмет сендерге! Балаларым болмасын деп бос кеуде, Қобызыңмен қосып ән мен тіл бердің, Өмірге мен мылқау болып енгенде Бабаларым,рахмет сендерге!»,- деп Мұқағали Мақатаев атамыз айтқандай міне,балалар,біз өзімізді ата-әжелеріміз алдында қарыздармыз.Ол қарызымызды тек жақсы тәрбие арқылы,адамгершілігі мол,мейірімді болу арқылы ғана,оларды көрген жерде құрметтеп сыйлау арқылы ғана қайтара аламыз.Қарттарымызды ардақтап өтейік!Оларды сыйлаңдар,қадірлеңдер!   |
